मन मोर झूमे रे, तन मोर नाचे रे ।
मन मोर होगे मगन, हाय रे
संग तोर लागे हे लगन ।।
(संगे संग झुमथे गगन)
मन मोर होथे तोला, बइहाँ म झुलातेंव मैंय ।
नानकुन लइका असन, गोदी म सुलातेंव मैंय ।।
तैंय मोर मया हावस, मैंहा तोर मयारू अंव,
तैंय मोर मन के देवी, मैंहा तोर पुजारी अंव ।।
जिनगी म आजा रे, मन म समाजा रे ।
बनके मोर सनम... हाय रे...
संग तोर लागे हे लगन ।
(संगे संग झुमथे गगन)
सपना म देखेंव तोला, दिन म अऊ राती म,
नदिया के तीर गोरी, आबे तैंय संझाती न ।
जादू भरे हे तोर,मृगनयनी आँखी म,
उड़ जाबो हम दुनो, लगा के पाँखी न ।।
मोर तीर आना रे, सिरतों बताना रे ।
मन तोरो हावे का मगन... हाय रे...
संग तोर लागे हे लगन....
(संगे संग झुमथे गगन)
मन मोर झूमे रे, तन मोर नाचे रे ।
मन मोर होगे मगन, हाय रे
संग तोर लागे हे लगन ।।
(संगे संग झुमथे गगन)
_ नवनीत चन्द्रवंशी 'नव'
No comments:
Post a Comment