मनखे अऊ बिग्यान
सबो सुनव संगवारी, मनखे के अजब-गजब कहानी
प्रभु बनाये सबो जिनिस ला खेलय, बनगे बड़का बिग्यानी
तईहा के दिन-बादर बईहा लेगे,
हावय नावा जमाना
बईगा भठरी के दिन नंदागे
सबो जगा दिखय डॉक्टर खाना
आदमी अस टीवी रेडियो मोबइल गोठियाथे
मीठ मीठ गुरतुर बानी
सबो सुनव संगवारी--------
बड़े बड़े बम बंदूक बने हे
बड़े बड़े कारखाना
गाड़ी मोटर के जाल बिछ्गे
पल आना पल में जाना
चिरई कस हवा मा उड़ाथे
मछरी कस तौरे पानी
सबो सुनव संगवारी--------
रिस घमण्ड लालच देखमरी
तन मन मा बनालिस ठिकाना
मिसाइल बम कतको जान फूट जाही
नई बांचे कस लागय जमाना
घात लगाये बइठे हावें
कतकोन अत्याचारी अभिमानी
सबो सुनव संगवारी--------
© छेदूराम चन्द्रवंशी
No comments:
Post a Comment