चले आबे चले आबे चले आबे वो
चले आबे चले आबे चले आबे ना ..२
रस्ता देखत रइहौं तोला संझा के बेरा ..२
तोरे खातिर डारे हावव गोरी मैंहा डेरा। ...२
चले आबे चले आबे ......२
संझा बिहिनिया तैं आबे गोरी वो
दिल ला कर ले तैंहा चोरी वो .. २
तोरे खातिर मैंहा गोरी अन्न नई खांवव
मोला बतादे गोरी कहाँ मैंहा जावव ..२
चले आबे चले आबे ......२
धोखा देके तैंहा गोरी बईहा झन बनाबे
बईहा बनाके गोरी काला तैंहा पाबे ...२
तोरे प्यार में मैंहा गोरी बनगेव दीवाना
धूरिहा धुरिहा जाथस काबर तीर मा थोकिन आना ... २
चले आबे चले आबे ......२
वादा ला सुनले गोरी अपन बनाहुँ
हरदी के रंग मा तोला वो रंगाहुँ ... २
सपना मा तोला गोरी अपन बनाथंव
एके झन रात के तोरे आरो पाथंव ....२
चले आबे चले आबे ......२
- बालकुमार पटेल
No comments:
Post a Comment